Мартăн 30-мĕшĕнче Шуршăлта, А.Г.Николаевăн (мемориал комплексĕнче) музейĕнче «Этем космоса пĕрремĕш хут вĕҫнĕренпе 55 ҫул ҫитнине халалланă Республика шайĕнче иртекен ҫамрăксен IX Николаев Вулавĕсем» иртрĕҫ.
Кунта асăннă конкурсăн районсен шайĕнчи ăмăртăвĕнче 1-мĕш вырăн йышăннă «Елчĕк районĕнчи Патреккелти пӗтӗмӗшле пӗлӳ паракан тӗп шкул» муниципаллᾰ вӗренӳ учрежденийӗнче 6 класра вĕренекен Петрова Ирина та хутшăнчĕ. «Космос паттăрĕсене халаллатпăр» пултарулăх секцийĕнчи хĕрӳ тупăшура хăй ҫырнă «Чăваш кайкăрĕ» ятлă сăввине чуна витермелле каласа парса 3- мĕш вырăн йышăнма пултарчĕ. Паллă космонавт музейĕпе паллашни те Иринăна питĕ савăнтарчĕ. Конкурсра пулни вĕренекене ҫĕнĕ ҫитĕнӳсем тума хавхалантарнине кăмăлтан пĕлтерчĕ вăл хăйĕн ĕҫне йĕркелеме пулăшакана, асăннă учрежденире чǎваш чӗлхипе литературине вӗрентекен Енейкина Галина Леонидовнăна. Эпир призера саламлатпăр.