«Чăваш Республикин Елчĕк районĕнчи ачасемпе çамрăксен пултарулăх çурчĕ» хушма пĕлÿ  паракан муниципаллă бюджет учрежденийĕнче октябрь уйăхĕн 27-мĕшĕнче пирĕн ентеше,  Г.Н. Волков академика халалланă республика шайĕнчи «Хавхалану» фестиваль-конкурсăн район шайĕнчи ăмăртăвне пĕтĕмлетрĕç.

     Патреккелти пĕтĕмĕшле пĕлÿ паракан тĕп шкулта ĕçлекенсемпе вĕренекенсем те ку тупăшăва хутшăнчĕç.

     Чăваш чĕлхипе литературине вĕрентекен  Г.Л. Енейкина, хăйĕн вĕренекенне, 7 класра вĕренекен Петрова Иринăна, çак конурса хутшăнма хавхалантарчĕ, хатĕрлерĕ. Хăй те, вĕрентекен, районти  пĕтĕмĕшле пĕлÿ паракан шкулсенчи вĕрентекенсем хушшинче тупăшса «Проза тата поэзи» номинацин çĕнтерÿçи пулса тăчĕ.

    Çак кунсенче республика шайĕнчи «Хавхалану» фестиваль-конкурсăн йĕркелÿçисем  шăнкăравласа савăнăçлă хыпар пĕлтерчĕç: Енейкина Г.Л. республика шайĕнче те çĕнтерÿçĕ пулса тăнă, унăн вĕренекенĕ, Петрова Ирина та, çак фестивалĕн призерĕ.

     Çĕнтерÿçĕпе призера саламлатпăр, ăнăçусем сунатпăр.