Çак кунсенче вĕренекенсен  творчествин республика шайĕнчи  «EXCELSIOR-2018» конференци-фестивалĕ иртрĕ. Пирĕн шкултан асăннă фестивале  7 класра вĕренекен Левая Алина Валерьяновна хутшăнчĕ. Конференци-фестивале хатĕрленсе Алина нумай ĕç турĕ: конференци тĕллевĕпе пĕр килекен хайлавсене ăсталарĕ, тухса калаçма хатĕрленчĕ.

Алина хăйне пурнǎҫра хумхантаракан е хавхалантаракан самантсемпе пулǎмсене сǎвǎ йӗркисемпе уҫса пама кǎмǎллать. Сǎвǎ е юптару чӗлхипе  сǎнласа панǎ хайлаври шухǎш, ǎс пани вулаканǎн чун-чӗрине ҫирӗп кӗрсе вырнаҫассине аван туять хастар вĕренекен. Хăй ҫыракан сǎвǎ вулаканра прозǎлла хайлава вуланǎ чухне хускалман кǎмǎл-туйǎма вǎраттǎрччӗ тесе хавхаланса ҫырать вăл. Хайĕн пултарулǎх вучахӗ ан сӳнтӗр, чӗрӗлнӗҫем чӗрӗлтӗр тесе чǎваш енри сǎвǎҫсен хайлавӗсемпе тата шкул ачисен хаҫат-журналсенче пичетленекен сǎввисемпе час-часах паллашать, ҫавна май пултарулǎхне ӳстерме тǎрǎшать.

Хăйĕн сăввисенче Алина ҫут ҫанталǎка сǎнласа пама юратать, этемлӗхе ун тусӗ пулма тархаслать. Вǎрҫǎ тематики те уншăн ют мар. Телейлӗ ҫамрǎклǎх ҫинчен ҫырса йǎпанать. Кᾰҫал Раҫҫейре  Волонтерсен çулталăкĕ пулнᾰ май  ырă ĕçсем тума чĕнекен сᾰвᾰсем ҫырма тытᾰнчĕ çамрăк. Ун сăввисене вулакансем  ватăсене пулăшма йыхравланине ырлаччăр, пурнăçри çитменлĕхсемпе, киревсĕрлĕхсемпе кĕрешме пуçăнччăр, пурнăҫра атте-аннесене савăнтаракансем пулса ӳсме тăрăшчăр  тесе тăрăшать вăл.

Асăннă фестивальте  Левая Алина хăйĕн ĕçĕпе «Автор поэзийĕпе прози» секцире тухса калаçса 2-мĕш вырăн йышăнчĕ. «EXCELSIOR-2018» призерне саламлатпăр, малалла та творчествăлла пысăк утăмсем тума сунатпăр.