Ака уйăхĕн 20-мĕшĕнче Елчĕкри историпе краеведенин халăх музейĕ Кукеçри «Паха тĕрĕ» фабрикин 95 çулхи юбилейне халалланă уявне ирттерчĕ. Уявра район ертÿçисемпе, Кукеçри «Паха тĕрĕ» фабрикинче ĕçлекенсемпе пĕрле хăй вăхăтĕнче Елчĕкре «Паха тĕрĕ» фабрикăн филиалĕнче вăй хунă ĕç ветеранĕсем те йышлăн пухăннă. Пирĕн шкултан уява 7 класра вĕренекен Кудряшова Аделина тата  чăваш чĕлхипе литературине вĕрентекен Г.Л.Енейкина хутшăнчĕç. Аделина  Г.Енейкина çырнă «Чăваш тĕрри» сăввине вуласа парса куракансене тыткăнларĕ. Г.Енейкина «Паха тĕрĕ» фабрикин ăста алăллă ĕçченĕсене халалласа çырнă «Чăваш тĕррин сумне чакарар мар»    сăввипе паллаштарчĕ. Уявран вĕсем  «Тав çырăвĕсемпе» таврăнчĕç. Сăвăпа паллашма вулакансене те сĕнетпĕр.