Чÿк уйăхĕн 15-мĕшĕнче шкулта район шайĕнчи пĕрлехи информаци кунĕ иртрĕ. Мероприятие ирттерме районти вĕренÿпе çамрăксен политикин пайĕн ертсе пыракан эксперчĕ Вастулова М.А., «Елчĕк ен» хаçат корреспонденчĕ Петрова Е.Г. хутшăнчĕç, тухса калаçрĕç.        

    Вастулова  вĕренекенсене çĕнĕлĕхсем пĕлме е пĕлтерме кĕмелли сайтсемпе паллаштарчĕ, хаçат корреспонденчĕ журналистсен ĕçне çутатса пачĕ.

   Пуçланă ĕçе малалла тăсса шкулти «Çамрăк çеçпĕлсем» литература кружокĕн ертÿçи Г.Л.Енейкина сăмах илчĕ. Вăл кружок ĕçĕпе, унăн çитĕнĕвĕпе усси çинчен пĕлтерчĕ. Унтан кружока çÿрекенсем хăйсен сăввисене чуна хумхантармалла вуларĕç, кружока çÿрени вĕсене пулăшни, аталанма  май туса пани çинчен каласа çирĕплетрĕç. Итлеме пурне те кăмăллă пулни курăнчĕ.