Чăваш Республикин вĕренÿ институчĕ шкул ачисене чăваш чĕлхипе, литературипе тата культурипе кăсăклантарас, ачасене халăх культурипе, ăс-хакăлпа шухăш-кăмăл пуянлăхĕпе паллаштарас тĕллевпе интернет олимпиада ирттерчĕ.

Олимпиадăна Чăваш Республикин тата республика тулашĕнчи вĕренÿ организацийĕсен 5–11 класĕсенче вĕренекен пилĕк çĕр ытла ача хутшăнчĕ, çав шутра – республика тулашĕнчен – 20 ача.

Хуравсене тимлĕ пăхса тухнă хыççăн жюри ачасенчен ытларахăшĕ тĕрĕс хуравланă ыйтусем тест формипе тунисем пулнине палăртрĕ.

Тĕпрен илсен, олимпиада аван иртрĕ. Çĕнтерÿçĕсемпе призёрсен шутне 5-6-мĕш классенче вĕренекен 144 ача, 7-8-мĕш классенче вĕренекен 127 ача, 9-11 классенче вĕренекен 63 ача кĕчĕ.

Çак олимпиадăна Патреккелти пěтěмěшле пěлÿ паракан тěп шкултан та ачасем хутшăнчěҫ. Вěсенчен виҫҫěшě призёрсем пулса тăчěҫ. Вěсем 6 класра вěренекен Левая Ульяна, 7 класра вěренекен Орлова Эвелина тата 9 класра вěренекен Воронцова София. Ванюшина И.В. ачасене ҫак олимпиадăна хатěрлекенě пулчě.

Олимпиадăна хутшăннă мĕн пур ачана, вĕрентекене тав тăватпăр, вĕренÿре ăнăçу, хастарлăх сунатпăр.